| Kirk 的个人资料Vivre bien..照片日志列表 |  工具  帮助 |
|
Vivre bien..2006/7/29 小雨..中雨..大雨..外边落紧中雨..气温大概係27-29°C..听住歌..比较无聊...睇住外边D雨..好似装饰一样..一副从天而降嘅窗帘..装饰住千家万户..好靓..其实落雨..都唔错啊..大热天时落下雨又够凉爽..成日出街D人又会乖乖哋留喺屋企睇下书.打下机.睇下电视.瞓下觉咁.几休闲啊..双休真係舒服...
琴晚落大雨啊..哎..难得一次参加动感D比赛..第一场就落到咁大..影响晒D状态..不过算啦..志在参与..输两分啫...唔错咖啦...所以之前呢..真係觉得个天同我作对咖..翻工又翻得唔开心..难得打下波又落咁嘅狗屎..玩嘢咩....好彩at this moment感觉都唔错..坐喺屋企好舒服...的确..屋企係最舒服最安全嘅地方..唔会俾雨淋..唔会俾人闹..唔会觉得唔开心...所以唔明点解有啲人成日都唔肯翻屋企...佢哋觉得自由..其实係折磨紧自己..后悔嘅感觉无时无刻咁等住佢哋...
细雨咗啦...蓝天又出翻黎了..今晚应该有波打啦..几好几好...但係又话唔定....另一场大雨喺度等紧我哋...
其实人生係咪就係好似咁呢..有时小雨..有时中雨..有时仲大雨添...但係睇我上边写嘅嘢..落雨就显得好平淡咁..所以其实人生中遇到嘅困难同挫折都应该好平淡..就算俾雨淋..点算?.翻屋企囖..屋企有关心你嘅人等住你..屋企有爱护你嘅人等住你...所以一定要好好珍惜生命中关心你同爱锡你嘅人..佢哋就係你遇到狂风暴雨嘅时候最可靠嘅支柱同最大嘅动力..俾老细闹?.SO WHAT!!有老婆.妈妈.爸爸.哥哥.仲有好多好多我嘅好朋友嘅支持同关心..我一定可以撑过去嘅!!
望住VIVI..个傻囡係咁望住我笑...笑咩啊!!似晒你阿妈咁傻...但係又似晒你阿妈咁可爱..傻咗啊..我喺度讲乜嘢...嗯...挂住某人添.... 2006/7/12 One End, Another Begin..刚刚看完室友的一篇文章..忽然觉得自己也有必要写点东西..一起来感触一下嘛..呵呵..
两年的大学就这样过去了..这句话我并不是乱说的..是真的表达了我的感受..你们可能觉得我没有认真对待这两年吧..whatever..这两年是过去了..不知不觉般的过去了..
大一..嗯...真的是糊里糊涂地就过去了..没有师兄的照顾..没有找兼职的冲动..没有学习的热情..就这样好像高中的生活那样度过了一个美丽但沉闷的大一..当大二开学初知道自己拿到￥800奖学金的时候..脑海一片茫然..双眼一片呆滞..亢奋地吐出一句:"顶.....咁嘅死款都攞到奖学金??".大一..对于我..就这样结束了..
大二..这么多科目..我最感谢的就是听力课..上学期还不是很明显..下学期开始我居然喜欢上了看英语新闻听力视频..英语听力也提高了很多..词汇量也在听力课上得到了很大的提高..真的很神奇..刘长青平时也没多说两句话..但在不知不觉间提高了我的英语水平..也不知不觉间增强了自己的自信..所以我一下决心..好!!就报信管!!就这样..不知不觉地我就进了信管..然后呢?.等咯.等待大三的开学..
To sum up..可能我是觉得..英语是一件除了工具还是工具的再工具不过的工具了..所以我也没怎样琢磨应该怎样才能学好英语..也没给自己多大的压力要读多少英语书籍(况且本人对文学方面没多大兴趣)..只是通过英语吸取一些自己觉得有用的东东..可以让自己用英语去接触外边的世界就够了..
329啊!!!!万岁!!!!
首先当然要说阿健了..真的是对你又爱又恨啊..可能你也是这样对我吧..呵呵..不过大家夜晚谈天论地的日子是不会忘记的..一齐拍DEATH NOTE的日子更加不用说了..看了你的SPACE的文章..感觉就是........还不错吧....自己琢磨我的意思吧..呵呵..
然后就到山哥同阿伟啦..嗯..简单..和谐..总觉得山哥不用怎样复习就拿到好成绩的..这才是强人啊!!而且他参加好多课外的活动啊..比赛啊之类..很佩服...至于阿伟..其实我一直以来上床都很怕吵到你的..然而我总是越小心越麻烦..还记得有一次上楼梯踏错脚滑了一下..你整个弹了起来..我只好说声不好意思咯..但睡在床上的时候其实我是在偷笑的...哈哈哈...
至于我最好的两个朋友－－傻仔锋&间谍..我要说的是..我真的无话可说..只能用心领会..
咳咳...转翻广州话先..
傻仔锋就唔使讲咁多啦..老友鬼鬼..而且以后仲同宿舍..有咩讲等我走人先讲啦!!哈哈..
至于间谍..临放假俾我一次咁大嘅冲击..真係唔知点好..感动?无奈?伤心?..都有啦其实..嗰日一接到佢电话之后..我真係从来未试过咁愕然..一个朋友..打电话过黎..crying...未试过..之后我霖都唔霖就飞奔翻上去宿舍..我只係知道..朋友需要我..佢等紧我..上到去..第一眼见到佢冇乜冲动嘅行为都安心翻D..然后见到佢屏幕上边打嘅几句话.."做人好累".."辛苦".."无奈"...我起初以为佢只係因为感性..所以感叹一下大学嘅生活..点知过咗一阵..佢讲咗一句.."好挂住佢"..马上有一阵风吹浑我全身..原来佢係讲紧....佢嘅"她"....顿时间好多嘢冲入黎我个脑度..觉得自己一直都冇体谅佢..只係讲自己点样觉得"她"几唔好..几过分..又成日嗌间谍揾个好D嘅..嗰阵我觉得自己冇好好体谅过佢..亦都係嗰阵..我觉得自己好幸运..可以识到一个对感情咁认真..咁专一..而且敢于用哩种方式将自己嘅情感表达出黎嘅朋友..好感动..不过我当时冇陪佢一齐喊..只係用双手揽住间谍..将佢个头挨喺我度....朋友..原来係咁嘅感觉....
仲有好多一齐打波一齐食宵夜嘅朋友..我哋大学城嘅生活结束咗啦..去到北校肯定仲有我哋嘅天地!!
压轴..当然就係..老婆仔啦!!哈哈..啱啱同你飞完短就係里度讲你了..唔知有冇打乞嗤呢?.^_^.啱啱听你讲话我地已经7个月了..哇..我真係估唔到啊!!感觉就好似过咗好多年咁..点会只有7个月??哈..嗯..其实都冇咩好讲啦..我地日日都有得倾..至于平时D小矛盾小拗叫咯喔...嘿..仲有咩好讲!!总之呢..而家叫你老婆..你一世都系我老婆咖啦!!哈哈!!!仲有仲有!!其实我好自豪咖..因为山口组入边咁多个人嘅GF..我觉得同佢地个个都咁熟..最起码个个都可以同你倾两句咁..真係...冇野好讲啦..所以大家呢..唔好话我脱离组织得咖..我老婆都同你地咁熟..我又点会脱离你地呢..係咪??
ANYWAY..THAT'S IT..THAT'S ALL I WANT TO SAY ABOUT THE PAST..BUT THAT'S NOT ALL I WANT TO SAY..LET OUR STORIES GO ON AND ON... 2006/5/22 My GirlfriendSmile at me.
Your pinky cheeks are,
Like the sun in winter,
Warming me up.
Rest on my shoulder.
Your browny hairs are,
Like the wind in autumn,
Fanning my heart.
Cry in front of me.
Your tear-stained eyelashes are,
Like countless tiny needles,
Pricking my soul..
Run with me.
Your tender fist,
holding my hand tightly, is
Telling me that,
You like running with me,
to the end of the world,
to the end of life!
PS: 写作课嘅作业..专业人士唔好见怪^_^ 久别..好耐冇写野啦..真係好耐了..
最近都发生咗好多事..尤其是琴日嘅事..好似将之前一段时间嘅开心快乐都打回原点咁..不过都好..人生就係咁样..有涨有退..有喜有忧..而且哩段时间..我更加从人哋评价当中重新认识咗自己一次..
首先係器量..大佬话得我啱..成日返到屋企同爸爸妈妈讲嘅唔係喺饭堂食到菜虫就係广州有几多单交通意外..又或者係同阿Lee出街遇到D奇怪嘅人..换一个角度来考虑..佢哋听到哩啲野会安心咩?.会觉得俾我出去读书係一件可行嘅事咩?.冇错..我静係识得批评身边嘅人同事..容纳唔到人哋嘅错误同习惯..成日喺度"呻"..讲埋晒D晦气嘅说话..其实..点解唔可以凡事退一步..感受吓广阔嘅天空呢?.成日对住人哋睇人哋唔顺眼..成日都冀望任何人任何事喺自己眼入边都要十全十美..哩个係IMPOSSIBLE..
其次..係阿Lee亲自话我嘅..就係我平时说话嘅语气..有时候太唔尊重别人..无论係唔係话紧对方..最起码语气都会令人觉得唔舒服..从哩个问题我觉得平时好多人都只係对我忍让..尽量去习惯我嘅冒犯..宽容我..但係点解我又唔可以咁样做呢?.即使係熟人..更加需要尊重..更加需要温和咁对待..只有咁样友情先至会长久..先会和谐..
最后..就係琴日嘅事..虽然佢冇直接对我作出评论..但係已经发出咗抗议..的确..我每一次都係将D野交俾阿Lee做..但係我要讲明一样野..我从来都冇将所有嘅生活琐碎事情作为阿Lee嘅压力..一直我哋互相分享生活嘅细节..分担生活嘅压力..解决生活嘅问题..我唔识弄虚作假..我唔会因为喺重要嘅人面情就做得比平时多..但係..亦唔会喺重要嘅人面情做得比平时少...感情需要两个人一齐去维持..生活需要两个人一齐去建造..唔需要猜疑..唔需要计较..只要目的係一样..都係为咗大家嘅将来..无论点都係值得嘅... 2005/12/31 第N次再看高三MV后有感友共情 - 古巨基
曲︰陳光榮 詞︰周禮茂 編︰陳光榮
下雨天 總掛念從前
球場上那可愛片段
突然又已一年 祈望再會面
舊朋友 就算心永未遙遠
但這刻渴望見 即使重聚再短
時光可變 世界可變
人情亦許多都變遷
友共情不變 那種真找不到缺點
你我再次相見 隨年和月 身心雖秏損
友共情從難扭轉 心內那熱暖
仍是純真未變
NOW AND THEN THINK OF YOU AND ME
FOREVER FRIENDS, FOREVER WE'LL BE
TIME IS CHANGIN' BUT NOTHING'S TO BE BLAMED
CAUSE OUR HEART FOREVER SING
真係转吓眼.."突然又已一年"..高三毕业已经一年半了..一个班嘅同学仔已经喺唔同嘅地方读书..各自各精彩..同校嘅同学..都已经习惯咗自己嘅生活圈子..所以同高中同学一齐食饭..已经变成一件唔再好似以前咁理所当然嘅事情了..睇返个MV..每个人都好紧密..好亲切..每个人面上都充满笑容..就算喺紧张学业压力之下都可以咁开心咁从容..但係而家..已经开始都有各自嘅烦恼了..专业考试..兼职..学生活动..就业....
每次睇MV嘅时候..个心都好兴奋..个脑不断浮现过去嘅点点滴滴..嘴角仲会露出一丝微笑添..细路仔..哈哈..只有而家嘅自己先至会话以前嘅自己係细路仔..换转係当时..死都唔肯话自己係细路仔..肯定坚持自己已经成熟..已经有自己嘅思维..但係而家睇返以前个样..明亮嘅校服..开朗嘅笑容..都係好似细路仔咁样..无忧无虑...虽然觉得自己已经唔再拥有以前嘅时光..但係好大一部分都仲係好怀念以前嘅日子..仲係觉得自己好幸运..而且都好幸福..可以拥有咁多美好嘅回忆..
其实有时得闲睇返吓过去嘅自己可以俾自己知道自己已经长大..从以前嘅自己睇到而家嘅自己产生嘅转变..琴日睇咗..最令我印象深刻嘅并唔係巧妙嘅剧情..亦唔係深刻嘅爱情..而係对时间嘅感悟..光仔问MISS LEE:"小姐..散场咯喔..仲喺度做咩啊?"..MISS LEE话:"我等紧人啊.."..光仔又问:"咁如果你要等嘅人佢今晚都唔来..你会唔会嬲佢啊?".."唔会..我仲有大把时间..".."呵..而家哩度似乎除咗我之外..其他人都觉得仲有好多时间咁..".....的确..哩个世界嘅人都会喺唔同程度上浪费咗好多时间..但係亦觉得仲有好多时间可以花..因为佢哋都唔知道自己几时死..就算知道自己几时死..亦好多人只会感叹生命嘅匆匆...时间真係可以帮到人..亦可以杀死人..所以点样对待时间..就係要睇每个人对自己生命嘅了解..如果觉得生命已经冇遗憾..剩低嘅时间就係用来望清哩个世界嘅每一分每一寸..如果觉得生命仲有好多未完成嘅使命..咁样就要从现在开始..抓紧每一分每一秒..去做自己想做嘅嘢..去做自己应该做嘅嘢..唔好俾自己嘅生命留下太多遗憾..
所以回忆已经过去..并唔代表现在已经係结尾..仲有更多更多嘅回忆等住我哋去创造.. 2005/12/12 最近心情唔错^_^又一年圣诞快要到了..哈哈...今年可以同GF一齐过.好开心啊!!
同LEE LEE一齐好开心~~一切都好自然好幸福..希望我冇选择错啦..而且我都好有信心唔会拣错嘅!!
最近霖返我之前嗰两年半係点样走过来嘅..由心酸..到淡忘..到平静..哩啲都证明咗哩个世界上係冇嘢唔可以解决..冇嘢唔可以改变嘅..当初天真咁认为佢总有一日会回头..总有一日会返来我身边..但係后来我明白..就算佢返咗来我身边..我个心都一样会离开..寻找属于我嘅另一片天地..而家我揾到了..係好开心嘅一个空间~好舒服..好自在..好开心....仲有..哩两年半我都明白咗朋友嘅重要..哩两年半以前..从来冇花过时间去霖身边嘅朋友对我有几咁重要..相反..为咗少少嘅恋爱问题就惊到好似天要踏落来一样..好愚蠢..好幼稚..但係哩两年半..无论有GF嘅朋友..冇GF嘅朋友..一样咁开心咁同我一齐度过哩段日子..我真係好多谢佢哋..亦都会好珍惜佢哋..佢哋教识咗我好多..我自己都霖通咗好多..每个人都唔可以冇咗自我..而同朋友一齐嘅时候..我就会好清楚咁认识自己..
讲返而家啦..我真係好钟意LEE LEE咖..而我亦都一直强调..我哋都要有各自嘅空间同人生目标..我哋唔可以成为对方嘅负担同顾虑..只可以成为对方嘅动力..而家就当哩个係我哋嘅共同目标先啦~~
我好想我钟意嘅人係一个可以喺学习上..生活上..思想上都帮到我嘅人..其实我觉得..男人并唔係万能..或者有时候比女人更加需要帮助..所以我真正需要嘅係朋友嘅重视同帮助..我要好好咁珍惜我身边嘅每一个人..FOR EVER.. 2005/12/7 I M BACK..^_^返来啦~~好多日冇写野啦..前一排唔係跳舞就係拍戏..唔係拍戏就係model..唔係model就係CECL..唔係CECL就係眼瞓...
 家下终于告一段落咯...汇演又推迟..拍戏又基本完成..而且又揾到咗.......哈哈哈....
打完波返来..到依家仲係有啲湿..不过都已经LAI咗野了..都冇计了..唯有今晚早啲休息..食返粒感冒灵啦..好啦..准备去食宵夜..今晚仲係忙CECL..闪!! 2005/11/22 Weather's gettin' colder...最近开始要着多几件衫啦..一年嘅秋天又来到了..不过我都几喜欢哩个季节..因为着住好多衫感觉好暖..响寒冷之中揾到温暖嘅感觉似乎会比喺闷热之中揾到清凉嘅感觉好好多...
前几日老豆话咗我知可能要大约一年时间先可以走人..唔知点解..其实我好想快啲走..但係嗰日知道咗之后反而松一口气..可能係因为嗰种两头唔到岸嘅感觉终于脱离..起码我仲有一年时间去计划我嘅大学生活..仲有哩度嘅同学仔..朋友仔..我又可以同你哋一齐过多一年啦!!...专四..哈..真係要准备吓至得了..而且忽然间又好想做兼职..除咗家教仲有咩可以做呢?..不过乜都试下囖...
上个周末超攰..WHY?.拍DV囖..原来拍DV係咁辛苦的..一个场面要拍N个镜头..而且而家只係学生来拍..所以多多少少技术上有啲不足..寻晚仲听佢哋讲话要重拍几个场景啊!!因为光线把握唔到..哎...心酸ing...不过其实都几好玩嘅..以前都未试过..呵呵....夜神月好型啊XD..
艺术团哩个星期开始要加紧排练啦..舞队一个星期四晚都要排练..MODEL队又要霖出场方式之类嘅嘢..都几烦..不过都好过成日对住部电脑过世..
 见咁多日冇写野..随便上来吹吓哩几日做嘅嘢啫..依家逃计算机课中..咳咳....背吓单词先~~ 2005/11/13 离别..坐在车厢里..耳边放着<枫>..这旋律真能让人想到秋天..惹人伤感..惹人心酸..当汽车出了车站..上了站..透过窗子看着车站上的一块块空地..不知为何地..联想到不久后的将来我也将要站在那些空地上..跟我最爱的朋友们拥抱..流泪..离别..而那感觉就越来越强烈了..
记得那天331那个傻瓜跟我说突然间觉得很伤感..说是想到我快要走了..我那时只是说他傻..也有一点点的感动..但其他的感觉就不大强烈了..毕竟这一天还不知道什么时候到来..而今天..我自己却真正感受到了他那天的感觉..无可奈何..我也只有伤感了..
那时候..眼前好像模糊地看到朋友们正在向我挥手..男的在喊..女的在哭....呵呵..好像想得自己很重要似的...这样一想..又觉得自己很可笑...
其实看着一路上的一草一木..都觉得那么熟悉..那么自然..因为这是我长大的地方..中山....这是再熟悉不过的一个地名了...要离开这个摇篮..真的很不舍得..那时候脑海里投映着童年的画面...还有一路以来的成长历程...那种感觉....说不出来..只是.....想哭....
不过我的视线..随着心情稍微放松了一下..也逐渐投向了远方...看着那蓝天...想对自己说..不同的地..还是一样的天...还是会下雨..还是会刮风..还是会天晴....  2005/11/7 发呆..坐喺电脑前边发呆..听紧<黑色毛衣><枫><逆鳞>仲有<麦芽糖>..作文..仲有一段..但係一边听紧歌..又有可能写得到呢...
发觉最近又的确係几颓废..前几日不停咁睇火影..根本冇心机做作业..(不过的确好好睇.^_^)..电脑仲有好多野未睇啊..<东京爱情故事>啊!!!好想睇..未有时间..英文嘅..仲有<THE APPRENTICE>同<DESPERATE HOUSEWIVES>都未搞掂..下个星期又有排忙啦..舞队练舞..model队又要练..仲要拍DN..哟...忙死咯...不过好期待今个星期返去屋企..因为仲准备返侨中..呵呵..好耐冇见过D老师啦..而且好耐冇揾过班主任..真係唔应该啦..虽然以前成日俾佢压制到我哋死死吓..但係其实我哋好多时都唔听佢话啦..佢又唔会点罚过我哋..只不过係讲一两句野吓吓我哋啫....
闪..继续写作文.. 2005/11/5 跳高看着以前跳高的照片..那时的情景就会很自然地涌入脑海中..随之而来的就是发呆..发呆..继续发呆....
其实我从来没有接受过什么跳高跳远的训练..就凭着自己由打篮球开发出来的一点不逊的弹跳力就常常出现在校运会上..好听一点的就是勇于尝试..否则..就是不自量力...
初二校运..第五名..跨跃式
初三校运..第四名..跨跃式
高一校运..第三名..跨跃式+背跃式
高二校运..第五名..背跃式
高三校运..第一轮就离开..背跃式
大一院运..第四名..背跃式
每一次的成绩都那么不显眼..但我自己却很不自觉地把全部给记住了..可以看到..从初二开始..没有一年放弃过跳高这一项..而且还很清楚地记得..每一年临近校运的时候总是在想着跳高的事..上课常常分心..有时甚至身体也好像随着跳高的动作在微微地动着..肌肉在跳动..每一次拿起笔..在报名表上的跳高项中填写自己的名字的时候..手都在震..心都在跳..眼镜有点模糊..这是什么感觉?.为什么会这样?.不知道..即使到现在还是..不知道..
想起跳高时的感觉..很奇怪..是想哭的感觉..打了那么多年的篮球还没试过有这样的感觉..而且还很记得高二的那次..在最后一跳..感觉背上碰到了木杆..但好像没有掉下来..好...好...好........眼前黑了..方向乱了..不知走到哪去了....不知谁扶了我..坐了下来..天黑了..只有还留在场上的我的那些对手是亮的..这在讽刺我么?.我无言..认命了...
其实..那时候我是受伤了..至于是什么伤..到现在还是不清楚..只知道当时傻傻地对着医生..对着老师..对着同学说:"我失忆了.."..的确..我只记得跳起来的那一刹那..怎么样掉到垫上..真的一直都不记得了..命运真残酷..不让我知道怎样受伤..却让我感到疼痛..那时候我真正地感觉到跳高场上的泪和血..而那时候正是我最想哭的一次...
不甘心?.不服气?.不知道...经常对人家说..说是喜欢跳高..但却毫不了解跳高..所以才有想哭的感觉..这哭的感觉..是感动..还是对自己的怜悯..我也不清楚..也许...我是真心地喜欢这项运动的..无奈自己从来没接受过正规的体育训练..也许...没有什么才华可以让人发掘吧... 2005/11/4 GAPHow long could it be..from the antique to the modern..?
Only if you can tell the length of the darkness..
How long could it be..from that generation to this generation..?
Only if you can tell the width of the gap..
Take it easy, guys..
you could just walk into the darkness..and turn on the light..
then you would know..everything goes easy.. 时间...时间出现在人们眼前总是那么平静..仿佛完全不让人感觉到时间的存在..
但它却在不知不觉中改变着万事万物..
时间是温柔的天使..把命运带给众生..
时间是冷静的杀手..无形地抹去生命的证据..
静止的时钟..斑驳的桌面..无奈的我想到的..就是这些.. SHOW D相上来先..呵呵..哩张係今年中秋喺屋企楼下影咖..部机係大佬问朋友借嘅..虽然得唔知100定200万..但係我都玩咗成晚..唔知係咪因为做过嗰份暑期工之后..对摄影都开始有啲兴趣..如果可以有返部真正属于自己嘅相机有几好呢...随身而影..随心而影... 打波打波^_^..瞓觉瞓觉=_=..今朝就係我哋英文3班组织嘅篮球赛啦~~其实只不过係瞒住请假嘅CECL老师唔留喺课室自习而走去篮球场玩嘅一次逃课....anyway,咁多人一齐就唔叫逃课啦..哇哈哈哈...不过..其实今朝出去之前都有少少不良感觉..好多时打波前都会咁..点知霖得到嘅就做得到..真係拗咗柴.....shit~~~~真係瘀啊..俾同学见到晒我咁弱嘅一面..真係阴功....不过大家都好开心..冇可能因为我一个人嘅郁闷就否定晒咖..所以总括来讲..都係好爽!!
仲有啊仲有啊..今日仲係着住我设计嘅班服打咖..虽然唔算十分好睇..不过总算有我哋自己嘅班服啦~~
今日成日都冇课..听日又係..后日又係..所以今日下昼都瞓到我晕陀陀啦..唔得咖!!下个星期就要考CECL啦..点可以咁颓废咖~~要refresh吓至得!!
寻晚居然俾人笑我唔CJ..哼!!  2005/11/3 拍DV上个星期应承咗同室友一齐拍<死亡笔记>DV..虽然初初有啲怕麻烦兼少少怕丑
 ..不过后来都係想试下..反正以后都唔知仲有冇哩个机会..第一日拍嘅FEEL唔错啊..冇乜台词..所以都唔会好累...至于今日..中午放学俾佢哋叫咗我去同剧中女友拍一张相..到时DV入边要用..当然..拍情侣照喔..就当然要似返PAIR情侣咖啦..牵手搭脖就当然要咖啦..不过就係当我搭上PARTNER嘅脖头嘅时候..突然间发觉好耐未有过嗰种感觉..虽然D F成日话我拍过拖..已经可以好随意好自然咁..但係其实拍拖嘅感觉对我来讲越来越陌生了..而且以前对自己讲过..经历过咁多次失败..以后一定会知道点样去谈恋爱..但係经过今日中午..又好怀疑自己係咪真係可以做到..其实恋爱係一样点嘅嘢..我成日同人哋讲话有冇都冇所谓..其实拍拖有边个唔想吖..尤其係大学嘅阶段..好不容易脱离中学牢笼式嘅教育..梗係想自由自在咁样..想拍拖就拍拖..想玩就玩咖啦..但係我嘅未来好似总係比较复杂咁..虽然话有得出国..但係见到人哋唔使出国..喺度开开心心咁..冇咩忧虑咁过大学生活..只要考试合格..攞到学分..拍拖兼职做乜都得..但係我..根本就冇机会过哩种大学生活..过到去未必好似哩度上大学咁..肯定要做兼职..读书就渐渐变为其次..哎..好茫然....
算啦..唔霖啦..越霖越烦..下个月阿珊就返来啦..好耐冇见..唔知到时见到会唔会俾到大家新鲜感呢?哈哈.. 2005/11/2 开始写野啦~总觉得个背景好有FEEL..所以我就起咗个名..Vivre bien..即係英文 live well 咁解..好正..哈哈.. CECL..法语..哎..算啦..虽然好想睇火影..不过都係温吓习先啦... |
||||||||||||||||
|
|
